Kigali – Rwanda, Ishyirahamwe ry’Abacukuzi b’Amabuye y’Agaciro mu Rwanda (RMA) rikomeje gukora impinduka mu buyobozi bukuru bw’ibiro nshingwabikorwa. Mu muhango wabereye ku cyicaro cya RMA, habayeho igikorwa cyo guhererekanya inshingano hagati ya Madamu Alice Uwineza, wari umaze igihe ari umunyabanga nshingwabikorwa w’agateganyo, na Bwana Joseph Niyongabo, uherutse guhabwa inshingano nk’Umunyamabanga Nshingwabikorwa mushya wa RMA.
Iyi mpinduka ije mu gihe ishyirahamwe rikomeje kwagura ibikorwa no gukaza imbaraga mu guhagararira abacukuzi no guteza imbere urwego rw’ubucukuzi mu Rwanda. Umuhango wo guhererekanya ububasha witabiriwe n’abakozi ba RMA hamwe n’abagize inama y’ubuyobozi, bikaba bigaragaza gufata ingamba nshya mu ishyirahamwe RMA mu micungire ishingiye ku mucyo n’ubunyamwuga.
Gushima ubuyobozi bwari ubw’agateganyo
RMA irashimira byimazeyo Madamu Uwineza ku bwitange, no kuyobora neza muri iki gihe cy’ingenzi. Imbaraga yagaragaje mu guhuza ibikorwa by’ishyirahamwe no gushyira mu bikorwa gahunda z’ingenzi, ni urwibutso rwiza rw’ubuyobozi bufite icyerekezo.
“Turashimira byimazeyo Madamu Uwineza ku murava yagaragaje mu gihe yayoboraga. Yabaye inkingi ikomeye kandi ihamye mu miyoborere myiza,” – umwe mu bayobozi ba RMA.
Ikaze ku munyamabanga nshingwabikorwa mushya
Bwana Joseph Niyongabo aje kuyobora Ibiro Nshingwabikorwa bya RMA, akaba asanzwe anafite ubunararibonye mu buyobozi, igenamigambi no mu mikoranire myiza n’abafatanyabikorwa. Tumwitezehe imbaraga n’amaboko mashya mu kubuka isura nziza ya RMA nk’urwego ruharanira ubucukuzi burambye, bufite umutekano kandi bushyigikira iterambere ry’igihugu.
“Ntewe ishema no kwinjira muri RMA muri iki gihe cy’impinduka nziza. Nzaharanira gukorana n’abanyamuryango bose n’inzego zitandukanye mu kubaka no guteza imbere urwego rw’ubucukuzi,” – Bwana Niyongabo, umunyamabanga nshingwabikorwa mushya
RMA yiyemeje gukomeza gushyigikira ubuyobozi bushya no gukorana bya hafi mu guteza imbere gahunda z’ingenzi zigamije iterambere rirambye ry’ubucukuzi bw’amabuye y’agaciro mu Rwanda.
